Badmintonçumuz Avropa Oyunlarına qələbə ilə start verib
26 iyun 2023 233
Badmintonçumuz Edi Reski Dviçayo Polşada keçirilən III Avropa Oyunlarında ilk görüşünə çıxıb.
Təmsilçimiz kişi badmintonçuların şəxsi yarışında "G" qrupunun ilk turu çərçivəsində İspaniya idmançısı Luis Enrike Penalverlə qarşılaşıb.
Gərgin və maraqlı idman mübarizəsi şəraitində keçən qarşılaşma 3 set davam edib. İlk setdə rəqibini 21:16 hesabı ilə üstələyən badmintonçumuz ikinci seti 17:21 hesabı ilə geridə bitirib. Həlledici üçüncü setdə "Top 70"də yer alan Luis Enrike ilə görüşdə dominantlıq edən badmintonçumuz yekunda 21:14 hesablı qələbə qazanaraq ilk görüşündən qələbə ilə ayrılıb.
Qeyd edək ki, III Avropa Oyunlarının proqramına daxil olan badminton yarışları qitə çempionatı statusu daşıyır.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı