Atıcılıq üzrə 2026-cı il Avropa çempionatına ev sahibliyi edəcək ölkələr müəyyənləşib.

Bununla bağlı qərar Bakıda keçirilən Avropa Atıcılıq Konfederasiyasının 29-cu Baş Assambleyasında qəbul olunub.

Səsvermənin nəticələrinə əsasən, güllə atıcılığı üzrə qitə birinciliyi Estoniyada, stend atıcılığı üzrə yarış isə Yunanıstanda keçiriləcək.

Bundan başqa, 2027-ci il Avropa çempionatı isə müvəqqəti təsdiqə əsasən, Finlandiyada təşkil olunacaq. Çünki hələlik sözügedən ölkədə atıcılıq kompleksi tam hazır deyil. 2026-cı ildə kompleksə son baxış keçirilib yekun qərar veriləcək.