Çempionlar Liqası: PSJ və "Borussiya Dortmund" yarımfinalda
17 aprel 2024 796
Futbol üzrə UEFA Çempionlar Liqasının ilk yarımfinalçıları müəyyənləşib.
Günün ilk oyunlarından sonra Fransanın PSJ və Almaniyanın Dortmund "Borussiya"sı yarımfinala vəsiqə qazanıb. İlk oyunda doğma meydanda 2:3 hesabı ilə uduzan Paris təmsilçisi səfərdə məğlubiyyətin əvəzini artıqlaması ilə çıxıb. Luis Enrikenin komandası 4:1 hesablı qələbə qazanaraq yarımfinala yüksələn tərəf olub.
Gecənin digər oyununda isə "Borussiya Dortmund" klubu "Atletiko"nu 4:2 hesabı ilə məğlub edərək yarımfinala yüksəlib. Qeyd edək ki, bu komandalar arasında Madriddə keçirilən ilk oyunda Dieqo Simeonenin komandası minimal hesabla qalib gəlmişdi -2:1.
Beləliklə, ilk cavab oyunlarından sonra "Borussiya Dortmund" və PSJ komandaları yarımfinalda bir-birinə rəqib oldular.
Çempionlar Liqasının digər iki yarımfinalçıları bu gün keçiriləcək "Mançester Siti" - "Real" və "Bavariya" - "Arsenal" oyunlarından sonra müəyyənləşəcək.
Bənzər xəbərlər
Avropa çempionatı: Azərbaycanın bir boksçusu finala yüksəlib, digəri bürünc medal qazanıb
Azərbaycan boksçusu Sübhan Mamedov Macarıstanın paytaxtı Budapeştdə keçirilən U-23 Avropa ... Ətraflı
Fərid Qayıbov yenidən Avropa Gimnastikasının prezidenti seçilib
Azərbaycanın gənclər və idman naziri Fərid Qayıbov yenidən Avropa Gimnastikasının ... Ətraflı
