Ər-Riyad-2025: Basketbol millimizdən növbəti qələbə

17 noyabr 2025 - 22:46 482

Səudiyyə Ərəbistanının paytaxtı Ər-Riyadda VI İslam Həmrəyliyi Oyunları çərçivəsində keçirilən 3x3 basketbol yarışları davam edir.

Olympic.az xəbər verir ki, A qrupunda yer alan qadınlardan ibarət millimiz bu gün növbəti oyununa çıxıb. Türkiyə millisi ilə qarşılaşan komandamız gloyunu 19:11 hesablı qələbə ilə başa vurub.

Xatırladaq ki, millimiz bu gün keçirdiyi ilk oyunda zərbaycan Səudiyyə Ərəbistanı seçməsinə 21:8 hesabı ilə qalib gəlmişdi.

Milli Olimpiya Komitəsinin vitse-prezidenti və İSSA-nın ikinci vitse-prezidenti Çingiz Hüseynzadə və İSSA-nın İcraiyyə Komitəsinin üzvü və Ər-Riyad-2025 İslam Həmrəyliyi Oyunlarının Koordinasiya Komissiyasının sədri, millət vəkili Könül Nurullayeva VI İslam Həmrəyliyi Oyunlarında qadınlardan ibarət 3x3 basketbolçularımızın növbəti görüşünü oyunların keçirildiyi arenada izləyib.