Gimnastlarımız komanda yarışlarında festivalı medalsız başa vurdular

23 iyul 2025 - 19:57 413

Bu gün Xorvatiyanın Osiek şəhərlərində XVIII Avropa Gənclər Yay Olimpiya Festivalı çərçivəsində gimnastika yarışlarının ikinci gününə start verilib.

Milli Olimpiya Komitəsinin mətbuat xidməti xəbər verir ki, ölkəmizi idman gimnastikası (qızlar, fərdi) üzrə Albina Əliyeva, Aynaz Məcidzadə, Leyla Məmmədzadə (çoxnövçülük) təmsil edib.

Komanda yarışlarında Albina Əliyeva 45.900 xalla 37-ci, Aynaz Məcidzadə 43.550 xalla 67-ci, Leyla Məmmədzadə isə 28.150 xalla 98-ci sırada yer alıblar. Komanda hesabında gimnastlarımız 19-cu yerə layiq görülüblər.

Bununla da gimnastika yığmamız komanda yarışlarında festivalı medalsız başa vurublar.

Qeyd edək ki, gimnastika yarışları “Qradski Vrt” yarış zalında keçirilib.