İsveç 2030-cu il Olimpiadasına ev sahibliyi etməklə bağlı niyyətini təsdiqləyib
21 noyabr 2023 162
Stokholm meriyası İsveçin Milli Olimpiya Komitəsinin (MOK) ölkə ərazisində 2030-cu il Qış Olimpiya və Paralimpiya Oyunlarının keçirilməsi ilə bağlı müraciət etmək təşəbbüsünü dəstəkləyir.
Bu barədə İsveç MOK-un mətbuat xidməti məlumat yayıb.
Qeyd olunur ki, Stokholm rəhbərliyi İsveçdə 2030-cu il Olimpiadası və Paralimpiadanın keçirilməsi planlarının icrası barədə bələdiyyə sazişini imzalamağa hazırdır. Buna bənzər sazişlər Falun, Ore və Estersund şəhərləri tərəfindən əvvəllər imzalanıb.
2023-cü ilin fevralında məlum olub ki, İsveç 2030-cu ildə Oyunların təşkili imkanlarını nəzərdən keçirir. Sonradan hökumət İsveç MOK-un bununla bağlı niyyətini dəstəkləyib və zəruri maliyyə zəmanəti üzrə təminat vəd edib.
2030-cu ildə Olimpiadanın keçirilməsinə ABŞ, Fransa və İsveçrə də iddialıdır. Noyabrın əvvəlində Fransa Milli Olimpiya Komitəsi artıq müraciət göndərdiyi barədə məlumat verib.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı