Xəbərlər

Skopye-2025: Badmintonçumuz növbəti görüşünü keçirib

22 iyul 2025 - 11:08 172

Skopye-2025 Avropa Gənclər Yay Olimpiya Festivalında keçirilən badminton yarışları davam edir.

 

Milli Olimpiya Komitəsinin mətbuat xidməti xəbər verir ki, fərdi yarışların ikinci günündə komandamızın üzvü Əli Gözəlov növbəti oyununu keçirib. 

 

G qrupunda yer alan idmançımız üçüncü oyununda italiyalı Alessio Katalfamo ilə qarşılaşıb. Gərgin keçən yarış rəqib idmançının 2:0 (21:19, 21:17) hesablı qələbəsi ilə yekunlaşıb. 

 

İdmançımız bu gün Bakı vaxtı ilə 16:30-da dördüncü görüşünü keçirəcək. Rəqib kiprli Pantelis Vasiliou olacaq. 

 

Qeyd edək ki, badminton yarışları Nevana Georgieva - Dunya adına ibtidai məktəbdə keçirilir.